Astekaria

Aste bakoitzean ikasgelan lantzen ditugun gaiak laburtuta azalduko dira orri honetan.

2014ko urriaren 29a

Eduki dugun lehenengo klaseari hasiera emateko, gaur egun gure artean dagoen kontzeptu batez hitz egin du irakasleak. Web 2.0: Informazio eta ezagutzaren sorkuntzari buruzko filosofia. egon den eraldaketa azaldu du, Web 1.0tik, web 2.0ra. Orain, ezagutza denon artean eraikitzen dugu, informazioa elkar trukatu dezakegu aplikazio batzuei esker (Youtube, Blogger, Delicious…), informazioa sortu eta publikatu dezakegu, jaso eta argitaratu… Web 2.0 erraza eta erabilgarria da, eta partehartzen, elkarrekintzan ezagutza eraikitzen dugu. 

Honekin erlazionaturik, Euskara 2.0 testua irakurri eta horren laburpena egiten hasi gara. Testu honetan, euskara, teknologia berriekin harremanak azaltzen ditu, eta euskara bultzatzeko IKTak proposatzen ditu.

Bestalde, ordenagailuen elementuak ere azaldu ditu, lehenengo guk bagenekigun edo ez jakiteko, galdera batzuei erantzuna emateko esan digu. Gero honek erantzun ditugu eta komunean jarri ditugu. Eta ondoren beraz azaldu du guztia, zer den hardware, software, zer programa dauden, fitxategi motak, memoria…  Honetaz aparte, bakoitzak bere fitxa egin du, bere datuak eta IKTeekiko duen harremana azalduz, Gmail nola erabiltzen den eta zer egin daitekeen Gmailarekin ere ikasi dugu.

Bukatzeko, Blogak zer diren eta zertarako balio duten azaldu du, eta bakoitzak Haur Hezkuntza eta IKTeekin erlazionaturik dagoen gai bat aukeratu eta Blog bat sortu du.

2014ko azaroaren 5a

Gure bigarren klasearekin hasteko, lehenego klasean eman genuenarekin jarraitu dugu, hau da web 2.0. Bakoitzari bideo bat ikustea tokatu zitzaion, eta bideo berdina ikusi ditugun pertsona guztiak elkartu eta hau komentatu dugu. Honetatik atera ditugun ideia nagusiak, lehenengo internetarekin konparatuz, ezaugarri nagusienetakoa XML formatuan dagoela da, lehen zegoen HTML sistemarekin konparatuz aurrerapen handia izan dela ohartu gara. Gainera honetaz aparte, orain, testuak ez ezik, argazkiak, bideoak… ere parteka ditzakegu.


Gai honekin jarraituz, ordenagailuaz gain, mugikorrak, tabletak, portatilak… erabiltzen ditugu Interneten sartzeko, beraz, ikusi dezakegunez, sistema hauekin, konektatuta egoteko abantaila askoz gehiago ditugu. Hortaz esan dezakegu, egunerokotasun moduan dagoela Internet gure bizitzetan. Bestalde, gizartea teknologiari esker aldatu egin dela ohartu gara, eta gizartea aldatu egin denez, hezkuntza ere aldatu egin behar da, orain eta lehengo beharrizanak desberdinak direlako.

Blogen ezaugarri anitzak ere ezagutu ditugu gaurko klasean, adibidez bideoak, argazkiak, estekak…eskegitzen. Bestalde, talde lana egin behar dugunez, taldeak sortu eta rolak ere finkatu ditugu. Egunarekin bukatzeko Sites ezagutu dugu, Googleren aplikazio bat.

2014ko azaroaren 19an

Klasearekin hasteko, identitate digitala gaiarekin hasi gara. Lehendabizi, gure gaitasunak aztertu ditugu, zenbat aplikazio edo zenbat gailu ditugun, zenbat sartzen gara interneten, zertarako erabiltzen dugun… Bigarrenik, taldeetan elkartu gara (zorizko taldeetan) eta bi bideo ikusi ditu talde bakoitzak. Ikusi eta gero, gure artean komentatu dugu, eta gero gure berezko taldearekin elkartu gara eta ikusi duguna eta hausnartutakoa komentatu dugu. Hausnarketa horretan zein arriskutsua den gure datu guztiak ipintzea interneten, edota sarean eskegitzen dugun zerbaitek duen arriskuaz ohartu gara.

   
Gaitasun digitalaz aparte, Blog-en inguruko informazio berria ere eskaini digu irakasleak. 3 erabilera berri ezagutu ditugu: bideo bat vimeotik sartzea, “Feed” gadgeta eta “Creative Commons” gure pribatutasuna zaintzeko bakoitzaren Blog-ean.

Bukatzeko, taldeka, aurkezpen txiki bat egin dugu Blog-en erabilera didaktikoari buruzkoa. Lan txiki honetan, blog motak, abantailak eta erabiltzeko arrazoi nagusiak ezagutu ditugu. Interesgarria eta praktikoa iruditu zait, argi edukitzeko blog-ak Haur Hezkuntzan ere erabil daitezkeela.  

 

2014ko azaroaren 26an

 

Aste honekin hasteko, IKTak hezkuntzan txertatzea zein garrantzitsua den ohartu gara, eta irakaslea izan behar da jakintza hau ezagutarazi behar duen gidaria. Honela, haurrak metodologia berri batekin heziko dira eta gaitasun berriak lortuko dituzte. Argi utzi behar da ikasketa ez duela tresnak sortzen, baizik eta metodologiak, hortaz, irakasleak era egoki batean erabili beharko lituzke.
 

Gaitasun digitalaz ere hitz egin dugu Jordi Adellen bideo bat ikusiz. Bertan gaitasun digitalaren dimentsioak azaldu dizkigu, hau da, informazio gaitasuna, gaitasun teknologikoa, alfabetizazio anitza, gaitasun kognitibo orokorra eta hiritartasun digitala. Honekin guztiarekin batera, egin beharreko taldeko lana hasi dugu.
 

Lanari dagokionez, Sitesen egin dugu ia guztia Driveko dokumentuak sartzen, eskemak, taulak… adibidez. Baita ere Delicious izeneko kontu batean izena eman dugu, non bertan link interesgarriak gorde ahal ditugun. Laburbilduz, gauko eguna gure lana egiten hasteko sarrera izan da. Egin klik hemen gure Sitesa ikusteko.

 

 

2014ko abenduaren 3an

Asteazken honetan, pasa den astean hasi genuen lanarekin martxan jarri gara, hau bukatzeko nahian. Egun honetarako webgune interesgarri bat aurkitu behar genuen eta honi buruz taula bat bete. Horretarako, taldeka, komunean jarri ditugu web orriak eta irakasleak pertsona bat aukeratu du eta bere azaldu behar izan dio.

 

Hau bukatu ostean, lanarekin hasi gara. Atal batzuk pasa den astean egin genituenez, egoera berdefinitzearekin hasi gara eta horretarako gure taldeak egoera bat pentsatu du eta binaka honi buruzko informazioa aurkitzeari abiatu gara.

 

Gure proiektua egoera erreal baten kokatu dugu, sinesgarritasuna emateko eta proiektu utopikoa dela ez pentsatzeko. Hortaz, ikasleak, ingurunea, ikasgela, eskola… azaldu ditugu, eta honez gain lortu nahi ditugun helburuak. Nahiz eta guk proiektu bat diseinatu, IKTak errutina batean erabiltzearen alde gaude, eta ez soilik urtean baten. Hauek murgildu nahi ezkero, metodologia aldatu beharko genuke, eta horretarako zein arlotan erabil daitezkeen azaldu ditugu. Hau guztia gure Sitesean idatzi dugu, lehen aipatu dudan moduan.

 

Bukatzeko bloga eta aurkezpena egin ditugu. Bloga, proiektuaren zati bat delako eta aurkezpena, gure ikasgelako lagunei azaltzeko modua izango delako. Hau guztia ia bukatu dugunez, hurrengo egunerako (aurkezpen egunerako) soilik gauza batzuk finkatzean tokatuko zaigu.

 

Esan beharra daukat lan oso polita izan dela eta gustura egin dugula lan guztiok. Talde berria ginen arren oso ondo konpondu gara eta lan zoragarria irten dela pentsatzen dut.